علم الفرائض ( الباب الثاني ) ♥

اهلاً من جديد ,

تدوينة لطيفة إن شاء الله في ( علم الفرائض )

وتكملة للي وصلنا له ^^"

اخر شي قلنا عنه وبتفصيل كان ( الإرث ) 

يعني المال الي راح يتركه الميت وراه 

تمام !

مات البني آدم المسكين ، والمال وجهزناه .. 

مين راح ياخذه ؟؟

ايوا بالضبط يعني الكلام اليوم عن ( اصحاب الفرض ) يعني الي هم ( الوارثون )

التدوينة الي قبل كانت عن ( الإرث ) نفسه 

والحين مين راح ياخذه !

خليني أعلمكم مين الي بياخذه 

يلا .. بسم الله :

الوارثون قسمين : رجال و نساء :

* الوارثون من الرجال :

خمسة عشر رجل ممكن يورث من الميت :

( لحظة ) : تذكرون لما قلت لكم الأصول والفروع والحواشي ! ابيكم تسترجعونها الحين عشان تسهل علينا الحفظ .

الخمسطعش من الرجال هم بهالشكل :

من الأصول  :
1. الأب
2. الجد ، وإن علآ .. يعني الأب أبوه ، أبوه ، أبوه وللمليون مثلاً 

من الفروع  :
3. الابن
4. ابن الابن ، وإن سَفِل .. يعني الابن ابنه ، ابنه ، ابنه وللمليار حتى مثلاً !

من الحواشي :
5. الأخ لشقيق
6. الأخ لأب 
7. الأخ لأم

8.ابن الأخ الشقيق ، و إن نزل
9.ابن الأخ لأب ، و إن نزل

10. العم الشقيق
11. العم لأب

12. ابن العم الشقيق 
13. ابن العم لأب

14. الزوج
15. المعتق ، بعطيكم مثال له واحد كان عنده عبد واعتقه ،
العبد مات وترك ورث و ولا أحد موجود له ، يروح الإرث للسيد القديم وهو يسمى المُعتق 


شوفوا هالصورة :

حلوين ، عرفنا الحين وفهمنا الوارثين من الرجال ؟ 
وضحت الصورة !
احفظوها بهالشكل من الأصول إثنين والفروع إثنين والبقية حواشي وكلهم من ( النسب )
و واحد من ( النكاح ) و واحد من ( الولاء )
جمميل !

يلا نكمل أجل ..



* الوارثات من النساء : 
وهم عشرة :
برضو راح نستخدم الأصول والفروع والحواشي .

الأصول  :
1. الأم
2. الجدة لأم
3. الجدة لأب

الفروع  :
4.البنت
5.بنت الابن

الحواشي  :
6.الأخت الشقيقة
7.الأخت لأب 
8.الأخت لأم

9.الزوجة
10.المعتقة

شوفوا هالصورة :

هاه شفتوا الوارثات من النساء كيف !
تمام و واضحة صح !



كذا يكون عرفنا مين راح يَرث الميت من الإناث والذكور وخلصنا منهم الحمدالله
طيب قبل نختم الجزئية الحلوة هذه
نضيف معلومة أخيرة :

( الإرث ) نوعين :
فرض
تعصيب
- راح يجي ذكرهم بعدين لكل واحد لحال -

و ( الوارث ) ثلاث أنواع :
ذو فرض
عاصب
ذو رحم

وخلصناا الحمدالله ..
يلا بعد هالفقرة شوية راحة لين تثبت معلومات الوارثين براسكم 
ونكمل بعدها كم الفروض المقدرة 
اشوفكم بالتدوينة الجاية ~